Wikipedia:Mga panghitabo

Gikan sa Wikipedia, ang gawasnong ensiklopedya

Kini ang talaan sa tanang mga panghitabo nga nabutang sa Unang Panid. Ang plantilyang ginikanan mao kini. Kon naa kay gusto itampo o ipakita nga panghitabo, taho, o balita, palihog isugyot sa panid sa panaghisgot-hisgot.

[usba] Ikaduhang tunga 2008

• Septiyembre 6:

Di mokubos sa 11 ka tawo namatay, ug daghan pang nasamdan ug nangawala, human natabunan sa yuta tungod sa landslide didto sa Barangay Masara, Maco, Compostela Valley.

• Agosto 20:

Si Presidente Gloria Macapagal-Arroyo mipadayag sa telebisyon kabahin sa terorismong buhat sa mga miyembro sa MILF, kapin 50 na ka sibilyan ang gipamatay, ug daghang lugar giatake apil na ang Iligan, Lanao del Norte ug Sarangani.

• Agosto 8:

Gipahigayon ang pangabling seremonya alang sa Dulang Olimpiko sa 2008 didto sa Nasodnong Estadyo sa Beijing.

• Hunyo 20:

Ang bagyong Frank (ngalang internasyonal - Fengshen) (gihulagway) mihapak sa Kabisay-an ug Luzon nga miresulta og dakong kadaot, usa na ang paglunod sa barkong de pasahero, ang MV Princess of Stars nga biyaheng Manila-Sugbo sa kadagatan sa San Fernando, Romblon.

• Hunyo 18:

Sa basketbol, ang Boston Celtics milupig sa Los Angeles Lakers ug nakadaog sa 2008 NBA Finals.

• Hunyo 17:

Daghang lugar sa habagatang Tsina gibahaan, ang Guangzhou ug Shenzhen ang labing apektado, 169 ang namatay ug 1.66 ka milyon ang gipabakwet.

• Hunyo 15:

Miepekto na ang bag-ong konstitusyon sa Kosovo, nga mideklara sa kagawasan gikan sa Serbya niadtong Pebrero 2008 ug giila ang maong deklarasyon sa 43 ka mga nasod.